[[依米全天候的Show迷]]

有時我會覺得阿爸阿媽好執著~

這是一篇關於做唔做功課的幼稚發洩文。

首先，我係一個注重結果多過過程既人。

唔係話唔重過程...只係更睇重結果，大概過程20% 結果80%...

但明顯地，佢地係重過程又重結果既人，絕對係過程100% 結果100%...

今日係放新年假既第三日，又黎嘈我幾時做功課...成日玩電腦...BlaBlaBla (省略)

實際上我只係享受左一日假期，因為尋日去左拜年拜足成日...就係坐坐企企左成日...

我覺得煩時...阿媽又話覺得唔開心對我好失望云云

真的，真的，呢個情境已經重複過幾萬次，如果可以換成blog既點擊率，我一定會好高興=.=

其實我最唔明既地方係，點解要理我幾時做功課??

總之我會做完就得啦~做唔完咪欠功課囉~欠功課最多咪留堂~

更何況我呢D放學就趕住番歸既人實會為左唔留堂而努力死掂D功課

而重點係我除左唔記得帶、唔記得要做之外，就冇欠過功課啦~

既然都唔記得要做，就算催我，我都係唔記得要做架啦~唔係咩?

然後係當我喺假期最後果日做功課既時候，總會鬧我成日咁遲先做功課

總之我第二日冇欠功課咪得囉...佢地真係好奇怪

至於平時...佢地就非常唔鐘意我夜晚先黎做功課

哈，做功課都要揀時辰黎做?? 朝早做難道會醒D??

都係果句...總之我有做晒咪得囉...煩死了

--------------------------------------------------------

這是一篇關於迷信的幼稚發洩文。

相信各位年輕一代都有試過撞到上一代迷信既板...

因為講左一D疑似唔吉利既說話而比人鬧

明明冇錯，非常合邏輯既說話都會比人鬧

可見迷信對人類既禍害很深，

充分體現「說者無心，聽者有意」既真締。

今日我就踼正呢塊板。

話說聽日要去旅行，知情者先別羨慕=v=+

我同阿媽因幾時做功課既問題嘈起上黎，我非常疑惑為何要急住做晒D功課

因為由回港既日子開始計起，仍有充裕既時間做晒D功課

所以我就稍微...嗯...較為大聲咁問：「點解要宜家做晒D功課啫? 我地又唔係唔番黎!!!」

就係呢個瞬間，因為呢個瞬間促使我打呢篇文

阿媽非常敏感地鬧我：「點解你要喺旅行之前咁講，明明係新年流流，仲要講埋D咁既野!!」

「我真係服左你，我對你...真係...」她欲言又止，然後就出左房

我真係血都嘔幾桶...戲子啊戲子...其實我係有遺傳...

先前既問題就係咁不了了之，然後就莫名其妙地嬲左我...

唉...只能奉勸大家小心D講野...